انوثه متفجره

خلطة عجيبة لأنوثة مكتملة ومتفجــــرة!!!
________________________________________
الســــلام عليــــكم

موضوعي عن ... مولود جديد...الجنس أنثى...تكبر هذي الأنثى وتعيش طول حياتها تحت مسمى أنثى...وتموت وهي أنثى...
خلقت وعاشت وماتت وهي ماتحمل من الأنوثة الا مسماها وبس!!!


وهذا اللي صايرفعلا...نشوف بنات ( أفضل أسميهم مخلوقات) عالة عالانوثة...لما أشوفهم ودي أتحول لذكر ولا يجمعني فيهم نفس المسمى الأنثى انسانة أرقى ...كانت ومازالت...الملهم الأول والرابح لغزل الشعراء



وبموضوعي راح أحاول بقدر استطاعتي...اني أكتب لكم عن خلطة لا تتم ملامح الأنثى (مكتملةالأنوثة) الا بها ومن كل الجوانب
قبل لا أبدأ بالموضوع...أبي كل وحدة منكم تقول أنا راح أتغير ومن اليوم...

مو عشان فلانة...ولاعشان أقهر علانة...ولاعشان أنخطب...ولاعشان الناس يشوفوني....



لين متى راح تعيشي عشان خاطرالناس...؟؟؟أحد كلف نفسه عشانك؟؟؟



قولي راح أتغير...عشان أنا انسانة...لي ذاتي...لي كياني المستقل عن كل الناس...عشان أحترم وأسعد الروح اللي قدر لها انها تعيش داخل هالجسد...

معقولة أموت وأنا ماحققت شي لذاتي؟؟؟ ماأسعدت نفسي بيوم؟ ماعشت لنفسي؟؟؟



لوحطيتي ببالك: أقهر واغيظ فلانة وفلانة...حتى ربنا ماراح يوصلك لمرادك...تأكدي من هالشي...وكل وحدة ونيتها...




وهذي ملامح الأنثى الحقيقية...:

المعاملات

*ملتزمة بدينها


*حسنة الأخلاق


*مؤدبة مع الصغير والكبير


*تحترم الكبير والصغير لأنها تحترم نفسها أولا وأخيرا


*توقف احترام وتقدير للي أكبر منها بالسن


*تبعد بأكبرقدر عن المشاكل>>> موتعتبرها فرد عضلات وقوة شخصية وتتدخل بكل كبيرة وصغيرة على بو حلالة مشاكل


*لها قيم ومباديء صحيحة ماشية عليها بحياتها.>>> مومع كل من هب ودب


*ماشية بحدودالشرع والعرف


*ابتسامتها دايما مشرقة على وجهها


*كلها حيوية ونشاط لما تشوفيها تحسين انها فعلا شابة<<< لان الشباب ينبع من داااخلك من روحك وقلبك ومعدنك الطيب


*لما تكون بمكان تملأه حياة وتترك بصمتها فيه>>> مو وجودها مثل عدمها مافرقت


*لها أهداف وطموح ...انسانة منتجة


*متعلمة...مثقفة...( موثقافة مطربين وستارأكاديمي)... ولاثقافة مقتصرة عالجمال والميك أب...


*اذا قعدتي معاها تفيدك وتستفيد مو بس تضيعلك وقتك بالحش والنميمة<<< ترى محد يطير حسنااتك الا هالنماين


*ناصحة...صادقة...متزنة...رزينة...بعيدة كل البعد عن التكبر والغرور<< مهما كانت مكانتك الاجتماعيه عالية ومهما كان عندك من خير ، ترى كلها نعم من الله لازم تشكرينه عليها وتتواضعين له مو ترفعين خشمك على الناس (من تواضع لله رفعه اليه) ، في النهايه كلنا من طين


*تعرف قيمة نفسها وأهلها...حريصة على سمعتها<< للأسف كثير بنات على بالهم انهم اذا اطلعوا من البيت خلاااص محد يدري شيسووون ، لا ماما الله فووقك يشوفك ، اتقي الله في افعالك واقوالك ، ولا تنسين ان الدنيا صغيره ومافي شي ينخش


*ماترفع صوتها على أحد>>> مووو صوتها يلعلع بالمحلات على بو تكاسر راعي المحل



وغيرهاكثير...ماتخفى عليكم وأنتوا أدرى فيها باذن الله...


التصرفات


جلستها صحية<< فردي ظهرك وانتي قاعده ، حتى هالقعدة تعطيك هيبة فوق ما اهي صحيه


*هادئة


*خجولة.<< هذي الصفة تميزت فيها الأنثى...فلو ماكانت فيها حطي عليها X


*صوتها منخفض مو متذبذب.>>> موتطلعين من عندها تروحين على طول لعيادة الأذن والأنف والحنجرة.


*مشيتها راكزة واثقة وقورة هادية مثل النسمة بدون تغنج ولاتمايل.>> بنات تشوفيهم تحلفين انهم مشاركين بماراثون أو سباق الهجن، أو تتميع لك بالمشية كأنها رقاصة متنقلة


*ضحكتها ناعمة ساحرة أقرب للابتسامة من القهقهة.>>> صارت نادرة...الوحدة الحين تضحك تنطرين اللي بمعدتها يطلع بوجهك .


*تحركاتهاا ناعمة وقليلة.>>> مو تزعجج بخشخشتها وتجيب لك الحول بكثرة تحركها...في بنات أشك انهم قاعدين على جمرة.



*ماتتدخل في اللي يعنيها واللي مايعنيها


*ماتتفلسف على الفاضي والمليان<< أملق شي اللي تتفلسف وتدش بموضوع اهي ما تدري عنه وتشوفينها فوق هذا متعصبه لرايها ومصممه انها صح


*كلامها واضح مفهوم يخرج من فمها بانسياب


*ماتسمعين منها ولالفظة صبيانية أبدا ولاسوقية


*الكلمات النابية ماتنطقها أبدا.>>> ويعه وياحمارة ويازفته ويا.....الخ .البنت اللي أسمعها تقول كذا على طول أحكم عليها بالهمجية...


*الكلمات اللي تخدش الحياء لوتموتين ماتسمعينها منها


*الدق والتطبيل وشغل الطقاقات هذا مالك أمل تسويه.>>> شايفه هالحركات واااجد خصوصا بباصات التوصيل بين الكليات وبالرحلات وغيره وغيره حمدالله والشكر , شفتوا تأثير ستار أكاديمي؟


*اذا اتكلمت بالتليفون صوتها منخفض مع وضوح.>>> موتصرخ وكل اللي حوالينها عرفوا كل أخبارها.


*تراعي قواعد الاتيكيت والذوق العام.


*مستمعة جيدة...ومحاوره ممتعة.<< مو تااااكلك بالكلام وطول القعدة اهي اللي تقرق ، كـأنه فيها فقرة سوالف.


*كلامها ذوق ومريح .>>> موتقولك هييييييييه انتي...أو يا انتي...كأنها داخلة عليك من الشارع...ولاتتكلم عن غيرها بلفظ هاااااذي...خير وين احنا قاعدين...استغفرالله في بنات أخاف منهم أشك انهم خريجات سجون


*تبعد عن الهمز واللمز والمناجاة والضحك من غيرسبب لأنه............ ......... .........؟؟؟


*طبيعية غير متصنعة.>>> التصنع صار شي مكشووووووف مكشووووف مكشووووف ، ليش تتصنعين? ما عندك شخصية بالأساس؟والا مجرد حب تقليد والسلام؟


*كل تعاملاتها تحت بند ( لوسمحتي – حاضر – ممكن؟)...وكل الألفاظ اللي تدل على أدبها.


*نشيطة...مستبشرة...ماتسمعين منها : ما فيّا....تعبانة...دايخه ...زهقانة .... وكل الألفاظ اللي تحسسك
انها بعمر الـ 80 سنة<< خخخخ ماراح أعلق

وعشان تكونين أنثى حاولي تتخلصي من اللزمات السيئة اذا كانت موجودة...فيه بنات أول ماتقوليلهم سالفه أو خبر..يردون عليك لااراديا (يقولون لك ( جذابة !!!
(أو ( قولي والله)!!! أو (حلفي !!!


أو بعضهم تقوليلها شي ...تلاقينها فجأة شهقت ( شوي والا شافطتك)...وتطق بيدها على صدرها (تحسين ان صدرك انتي عورك)...>>> يعني سوت أكشن.


ومن التصرفات اللي واجد بنات يسووها وماخذينها عادة..وهي تشوههم...وتخرب أنوثتهم:

*أكل اللبان .... العلك) بكل وقت...شكلها جد موحلو...والأفضع انها تسولف مع أحد والعلك والسعابيل بفمها يحوسون )


*قضم الأظافر...صحيح عادة بشعة...واللي تعاني من هالمشكلة في محلول بالصيدليات خاص فيها مر وطعمه وريحته مقرفين... تحطيهم على أظافرك خلال فترة بسيطة راح تتخلصين من هالعاده ، بس شوية ارادة وصبر


*حك الاذن...واذا عندك التهاب حاولي تعالجيه عشان تتخلصي من هذا الموقف المحرج.


*لمس الشعر باستمرار.>>> حتى الشعر يدهن من كثر ما تحووس فيه ، وهذي الحركة تدل على التوتر وعدم الثقة بالنفس.


*في بنات عندهم بثور بوجههم...تلاقينهم طول القعدة وهم يلمسونها وشغاليييييييين.>>> تتسلى الأخت...عندها جلسة فيشيال


*تقشيرالشفايف...سواء بالأسنان أو اليد<< حطيلج زبدة كاكاو على طووول بالجنطه وحطي منها كل شوي وافتكي


*الوحدة أول ماتقوم...لاارادي تلاقيها سحبت الاندروير ...>> لووووووووووووووووول لاتلومونها ضايقها


*فرقعة الأصابع...>> حركة بشعة ومزعجة


*لما تقعد وحدة وحاطة رجل على رجل وطول الوقت تهز رجلها وتمرجحها.>>> ملاهي


*أو تقعدين يم وحدة تلاقينها تهز وتهز وتهز...افففففففف مزعجة توترك وترفعلك ضغطك غير منظرها طبعا >>> كأنها بيجر حاطينه هزاز


*أو وحدة طول القعدة كل شوي مطلعة شي من الشنطة ...عشرين ألف مرة تطلع المرايا( ماعندها ثقة)...أو القلوس


*أوطول ماهي قاعدة معاكم والموبايل بيدها ومشغولة فيه>>> السفيرة عزيزة


*العصبية....دمارالأنوثة.... وتقلل الهيبة والوقار...


*كثرة التلفت وتركيز النظر عالأشخاص ...ماورى هذي الحركة الا الخفة


*تجيكي الوحدة بنص الجلسة...تطلع التيشو وتنفر أنفها...>>> تنظيفات بلدية.


*وهذي الحركة تقتلني وصحيح بشعة...الوحدة بعد ماتمسح خشمها...تفتح التيشو وتقعد تشوف شنو فيه...>>> تدور على شي مضيعته


*اذا كنتي بعزيمة ديري باااالك من الكلام الكثير المتواصل وماتعطين مجال لغيرك بالمشاركة...أومقاطعة غيرك...


*أوتسمعي وحدة قالت شي....تروحين تجذبينها...




*ذا كنتي من الناس اللي طول القعدة تردد: أنا رحت وأنا اشتريت وأنا جبت وأنا وأنا وأنا.....حاولي تتخلصين منها...لانه اسلوب منفر...والناس راح تقول عليج حديثة نعمة<< والا أول مرة تشوفين خير؟؟



وغيرها واااااااجـــــــــــد حركات ...فالأفضل تنتبهين انتي لنفسك...وتعدلين أي شي من تصرفاتك...قبل لاينتقدونك الناس ويتكلمون عنك من ورااك




أغراضها تدل عليها وتتكلم عنها

كل شي حولها يرتبط فيها وله علاقة فيها...يقولك أنا ملك لفلانة....


من غرفتها.....لأغراضها....لمكتبها... كوبها وصحنها........الخ.
تضيف لمساتها الخاصة على كل مايخصها....

مثلا غرفتها....كل مافيها.....من ترتيبها وتنظيمها....يدل على شخصيتها...يعبر عنها....الألوان والتأثيث والقطع والتحف......الخ.



مو شرط لاثبات الأنوثة ان كل شي يكون وردي.....>>> أحسها صارت دقة قديمة...أصلا خاصة بالأطفال.

وموضوعنا عن الأنوثة مو الطفولة...

فتلاقين ألوان وديكورات مختلفة.....من ابداعها الخاص...
نظافة.....ملفتة...تعرفين ان صاحبتها نظيفة من العمق...
مرتبة ترتيب يدلك ان شخصية هذي الأنثى نظامية.....

موبايلها...ينطق ويقول أنا لفلانة.....سواء من ناحية الكفر أو الخلفية أو الثيم..

ونغماتها تدل ع اتزانها.....وتدي انطباع عن شخصيتها...

كتبها وقراءاتها...تعطيك انطباع عن ميولها وثقافتها واهتماماتها......

(باختصار كل مايخصها يقول أنا لفلانة...(الأنثى ..

يووووووووووووووهـ


مشكوووووووره ع ـالموضوع


تقبلي مروري


$$المجهول$$

مشكوره اختي عالموضوع

تقبلي مروري