خسيتي لعن أبو جدك خسيتي والغلط ينعاب
خسيتي وأقلبي وجهك ولا كلمه ولا جابه
خسيتي والزمن حدك تراها ضاعت الأداب
انا لا طاشت جنوني يعرف الجاهل أدابه
وش المغزى من الكلمه بلا داعي بلا أسباب
وهرج الكذ والتجريح قوليلي وش اسبابه
انا الشرهه علي اني فتحت لخافقي كم باب
ولاكن مثل ما جيتي ترى كبر الجمل بابه
خذي نفسك معك برا ثم انقلعي بدون إياب
فمان الله ولا أقول فمان إبليس واصحابه
تحسبيني على فرقاك أبندم وأرق الأهداب
انا مبسوط يوم اني طردت الشوم وأغرابه
انا ماأعاشر الخاين ولا اسمع هرجه الكذاب
مثلك قيمته تحت الزير وحسابه
هذاك اللي تحبينه حقير وخكري ولعاب
عاجبك ان قذلته شقراء ويميل بالشعر كابه
صحيح أنه حقير وزين وشكله للنساء جذاب
تشبه بأخته فلانه ومنها الدم متشابه
وانا مانيب حرف الجر تجرينه على الإعراب
انا حرفٍ جزم نفسه ومثلي يصعب إعرابه
تشوم النفس عن زينك عقب ما طاح فيها ذباب
وانا حرٍ ولد حر تركت الزين وذبابه
انا شيخٍ ولد شيخ بذكره تنعم الأنساب
إليا ضاقت به الأرجاء يهز الأرض مشعابه
محنكني على الطيبه من يومي صغير وشاب
أجل وش رايك بطفلٍ دلال القهوه ألعابه
ترى بدري على مثلك تعيب وساسها معياب
ياليت إلي يعيبني يحاول يستر ثيابه
انا لا جتني الزله من الجاهل وهو كذاب
تركت القافله تمشي وراها تنبح كلابه
وانا ليامني كشفت ان الخوي اصبح لسانه داب
نزعت السم من عرقه وكسرت بمخلبي نابه
خلاص اليوم يا فلانه كرهت والقلوب أغراب
وترى كل طيرٍ بكبد السماء يشبع مخلابه
وخساره مثلك بقلبي تضمه غرفة الأحباب
وخساره غلطة عاشق يحطك أول احبابه
بعد هذا تبين أرجع لجل عينك نصير اصحاب
خسيتي واقلبي وجهك ولا كلمه ولا جابه
مع ح ـــــ بيـــــ ـــ ـــ ــ .. ..
موضوع: ₪ ∫∫ ∫∫ ₪≈فمان الله ولا أقول فمان إبليس واصحابه≈₪ ∫∫ ∫∫ ₪ 
الجمعة مارس 14, 2008 6:30 am
